19-июнда Кыргыз жараны А.Э.Н. жана Казакстандын жараны П.И. кармалды. Аталган жарандар УКМКнын жетекчилиги менен тыгыз байланышка жамынып, уюшкан кылмыштуу топтун лидери Камчы Көлбаев жана ага тиешеси бар адамдар тарабынан кылмыш жолу менен алынган кирешелерди легализациялоо (адалдоо) фактысы боюнча катталган сотко чейинки өндүрүштүн материалдары боюнча кылмыш ишин токтотуу үчүн, опузалап акча талап кылуу жолу менен чет элдик инвестордон 550 миң доллар алышкан.
Жүргүзүлгөн тергөө-ыкчам иш-чараларынын жыйынтыгында кармалган жарандар Кылмыш-процессуалдык кодексинин 96-беренесине ылайык, УКМКнын убактылуу кармоочу жайына киргизилди.
