Аламүдүн райондук «Кадастр» мамлекеттик мекемесинин кызматкери кармалды. Бул тууралуу УКМКдан билдиришти.
«Кадастр» мамлекеттик мекемесинин Аламүдүн филиалынын кызмат адамы кызмат абалынан кыянаттык менен пайдаланып, Аламүдүн районунун аймагында жайгашкан бакча-дача участогуна мамлекеттик актыны берүү үчүн Кыргызстандын жаранынан 100 миң сом өлчөмүндө акча каражатын талап кылгандыгы аныкталган.
«28-июлда УКМК дарегине, белгиленген иш боюнча оң чечим чыгарып берүү үчүн 100 миң сом өлчөмүндө акча каражатын талап кылуу боюнча жаран арыз менен кайрылган. 3-августта «Кадастр» мекемесинин Аламүдүн филиалынын административдик имаратында акча каражатын алып жаткан жеринен Аламүдүн районундагы филиалынын жер кадастры жана кадастрдык изилдөө боюнча убактылуу жетектөөчү адиси кармалды»,- деп айтылат маалыматта.
