14 миң 500 доллар өлчөмүндө акча каражатын талап кылууга шектелип «Дженго» уюшкан кылмыштуу тобунун эки мүчөсү кармалды. Бул тууралуу УКМКдан маалымдашты.
Такталгандай, кармалгандар күч көрсөтүп, зомбулук кылабыз деп коркутуу жолу менен 14 миң 500 доллар өлчөмүндө акча каражатын Ош облусунун тургунуна милдеттендиришкен. Бул факты боюнча Кылмыш-жаза кодексинин 208-беренеси (Опузалап талап кылуу) боюнча кылмыш иши козголгон.
Азыркы учурда кармалгандарга, Ош шаардык сотунун чечими менен УКМКнын Ош шаары жана Ош облусу боюнча башкы башкармалыктын тергөө камак жайына камакка алуу түрүндөгү бөгөт коюу чарасы тандалган. Тергөө иштери жүрүп жатат.
