УКМКнын жалган кызматкери кармалды. Бул тууралуу УКМКдан билдиришти.
Алдамчылык фактысы боюнча козголгон кылмыш ишинин алкагында, УКМК кызматкерлеринин ар-намысына, кадыр-баркына жана ишкердик беделине шек келтирген фактыларды аныктоо жана бөгөт коюу боюнча ыкчам-иликтөө иш-чараларынын жүрүшүндө Жаза аткаруу мамлекеттик кызматынын №21 мекемесинин мурдагы кызматкери кармалып, убактылуу кармоочу жайга киргизилди.
Аталган жаран өзүн УКМКнын кызматкери катары көрсөтүп, жарандарды кылмыш жоопкерчилигине тартуу менен ишкерлерди коркутуп, алардын ири суммадагы каражаттарын (26 300 АКШ доллары) тартып алган.
Ошол эле учурда, ал социалдык жана ишкердик абалын маанилүү кылып көрсөтүү үчүн өзүн УКМК төрагасы Камчыбек Ташиевдин жардамчысы, ага түздөн-түз баш ийген адамы катары тааныштырып, ошондой эле анын уулу менен достук мамиледе экендигин айтып коркуткан. Учурда тиешелүү тергөө-ыкчам иш-чаралар улантылууда.
