Биздин бул жолку каарманыбыз эки баласын жалгыз баккан 27 жаштагы ата. “Жубайымдын ичи катып, заңдай албай, дарыгерлерге кайрылдык. Ооруканада анын ичегисин кыскартышкан. Кийин дагы бир канча ирет операцияны башынан өткөрдү. 4 айдан соң бул дүйнө менен кош айтышып кете берди” дейт ал балдарынын апасы жөнүндө.
«Бир айдын ичинде 3 жолу операция болду. Мунусунда «1 литрдей кан ичине толуп калыптыр» дешти. Бир дарыгердин атын айтып, Бишкекте ошол гана тиге аларын айтты. Ал тигип берди. Бир жумадан кийин үйгө чыктык. Үйдөн операция жасалган жеринен ириң чыгып кетти. Кайра ооруканага алып бардым. Ириң экенин айтып, тазалаш керек деди. «Ушул жактан тазалайсызбы?» десек, «жок, бул жак кымбат, ушуга чейин карадык, башка ооруканага сүйлөшүп берем» деди. Макул болдук. 20 күн ошол жерде жаттык. 3 эле дары берип жатты. Үйгө чыгып, 10 күн жатты. Такыр жылыш болгон жок. Кайра барып, дарыланып чыктык. Жакшы болуп, басып калган. Бир күнү чалып эле ичи ооруп жатканын айтты. Келсем, кыймылдай албай калыптыр. Мамакеев атындагы хирургиялык борборго алып барсам, раенимацияга алып кирип кетти. «Азыр операцияны көтөрө албайт, даярдаш керек» дешти. Операция дешти. Андан кийин эле жок болуп кетишти. Дарыгер «биз кылбай калдык» деди. Мурдагы оорукана «өзүбүз карайбыз» деп алдырып алды. Ал күнү карабай коюшту. Эртең менен дарыгерлер келип, суу алып койду. Саат 13:30дарга суук кабар угузду. Үй салабыз, той беребиз деген пландар бар болчу. 2 балам менен калып отурам. Кичүү уулум апасын ооруканада деп ойлойт. Азыр сурабай калды», — деди ал.
Саламаттыкты сактоо министрлиги адистер иш алып барып жатканын айтышты. «Буйрук чыккан, тергөө жүрүп жатканына байланыштуу маалымат бере албайбыз», — дешти.
Жардам берүүнү каалагандар үчүн реквизиттер:
ОПТИМА БАНК: 1091 8208 9519 0123 (сом, рубль, теңге, АКШ доллары, юань, евро)
МБанк: 0500 40 22 88
СБЕРБАНК: +7 980 3951721, 5228 6005 9319 8155 (Улукбек)
