Буга чейин дайынсыз болуп, изделип жаткан жарандын жансыз денеси табылды. Бул тууралуу Свердлов РИИБден билдиришти.
Маалыматка караганда, 13-март күнү Свердлов РИИБге аял кайрылып, 1965-жылы туулган мурдагы жолдошун издөөгө көмөк көрсөтүү боюнча арыз менен кайрылган. Аталган факты милицияга катталып, издөө иштери башталган.
2-апрель күнү Свердлов РИИБдин жетекчилигине билдирме менен ыкчам кызматкери кайрылган. Анда издөө иш-чараларын жүрүшүндө жарандын дайынсыз жоголушуна тиешеси бар шектүү аныкталып, кылмыш ишинде шектүүдөн күбө статусуна өзгөртүү үчүн 4 миң АКШ доллар сунуштаган. 1985-жылы туулган жаран 325 миң сом акча берип жаткан жеринен кармалган.
Ага Кылмыш жаза кодексинин 345-беренесине (пара берүү) ылайык кылмыш иши козголгон.
Андан ары тергөө иштеринин жүрүшүндө шектүү изделип жаткан жаранды өлтүрүп, сөөгүн үйүнүн короосуна көмүп койгон жерин көрсөткөн.
Жогоруда көрсөтүлгөн фактылар боюнча адам өлтүрүү кылмыш иши козголуп, убактылуу кармоочу жайына камакка алынган. Тергөө уланып жатат.
Посмотреть эту публикацию в Instagram
