Жалал-Абад облусунун Манас шаарында 26 жаштагы эркек адам тилинин учу жана ылдыйкы эриндин бир бөлүгү тиштелип, ооруканага жеткирилди.
Turmush басылмасынын маалыматына караганда, окуя 8-ноябрда болгон. Жабырлануучу Жалал-Абад облустук клиникалык ооруканасына ооз көңдөйүнүн оор жаракаттары менен түшкөн. Анын ылдыйкы эриндин алдыңкы бөлүгү жана тилинин учу жок болуп чыккан.
Сурак маалында белгилүү болгондой, жаракат өбүшүү учурунда алынган. Кыздын айтымында, ал жигитти кокусунан тиштеп алган.
Маалыматка ылайык, Окуя болгон күнү экөө тең досунун тоюна катышкан, ал жакта спирт ичимдиктерин колдонушкан.
Милициянын маалыматына караганда, окуянын катышуучулары акыл-эс жагынан соо, психиатрдык каттоодо турушпайт.
