Шайлоо жана референдум өткөрүү боюнча борбордук комиссиясы Жогорку Кеңештин депутаты Искендер Матраимов менен Нурлан Ражабалиевдин ыйгарым укуктарын мөөнөтүнөн мурда токтотту.
Мындай чечим 22-февралда БШК мүчөлөрүнүн жыйынында кабыл алынды.
Искендер Матраимов Жогорку Кеңештин 6-7-чакырылышынын депутаты болгон. Ал коррупция беренеси боюнча соттолгон, учурда башка кылмыш иши боюнча издөө жарыяланган Бажы кызматынын мурдагы орун басары Райымбек Матраимовдун бир тууган агасы.
Нурлан Ражабалиев — мурда Бажы кызматынын төрагасынын орун басары болуп иштеген. “Райым миллиондун” коррупция боюнча ишинде ал да айыпталып, мамлекетке 12 миллион сом төккөн. №2 Баткен шайлоо округунан депутат болуп шайланып келген.
