Өзгөн шаарынын мэри Нодирбек Каримовго сөгүш берилди. Бул тууралуу президенттин Ош облусундагы өкүлчүлүгүнөн билдиришти.
Маалыматка караганда, ал 30-октябрда Өзгөн шаарынын күнүнө арналган иш-чараларды уюштурууда «Кыргыз Республикасынын тили жөнүндө» мыйзамдын 7-беренесин бузууга жол берген. «Эгерде аталган мыйзамды мындан ары да бузууга жол берилсе, анын ээлеген кызмат орду карала турганы белгиленди», — деп айтылат маалыматта.