УКМКнын төрагасы Камчыбек Ташиев социалдык тармактагы баракчасына пост жазды.
“Эми гана өзүмө келдим. 3 күндөн бери катуу ооруп, эми гана баш көтөрдүм. Ажобуздун Элдик курултайда мен жөнүндө айткан пикирине өз оюмду билдирип коюуну чечтим. Биринчиден, президентибиз туура айтты. Эки дос мансап үчүн эч качан чырдашпайбыз. Экинчиден, биз үчүн кыргыз элибиздин тынч, бакубат, келечектүү жашоосу эң кымбат жана эч нерсеге алмаштыргыс бакыт.
Үчүнчүдөн, президентибиз мурдагы Конституциянын негизинде 6 жылга шайланган, ал эми бүгүнкү Конституциянын негизинде дагы бир жолу 5 жылга, экинчи мөөнөткө шайланууга укуктуу. Ошондуктан Садыр Нургожоевичти колдоп, кубаттап, чогуу элибизге кызмат кылабыз деп үмүт артам. 8 жылдан кийин да эл-журт деп Садыр досумдай күйүп-жанган Кыргызымдын бир инсаны чыгат буюруса!” — деп жазды ал.