«Кызыл айып кагазына байланыштуу оюн кызыктуу болгон жок» дейт башкы машыктыруучу
Кечээ, 20-мартта Кыргызстандын футбол боюнча улуттук курама командасы 2026-жылкы Дүйнө чемпионатынын тандоо оюндарынын үчүнчү раунду алкагында Өзбекстан курама командасы менен беттешти. Беттеш Ташкенттеги Бунёдкор стадионунда болуп, Өзбекстандын курамасынын жеңиши менен аяктады.
Оюндан кийин Кыргызстандын футбол боюнча улуттук курама командасынын башкы машыктыруучусу Максим Лисицын комментарий берди.
“Оюн көпчүлүк күйөрмандар күткөндөй кызыктуу болгон жок деп ойлойм. Бул кызыл айып кагазына байланыштуу экени түшүнүктүү, бирок ага чейин эле атаандаштын стандарттарды ишке ашыруу мүмкүнчүлүктөрү көп болгон. Айып кагазынан кийин биз баштапкы планыбызга өзгөртүүлөрдү киргизүүгө муктаж болдук.
Беттештен кийин мен оюнчуларга алар берилүү менен ойногондору үчүн, ошондой эле жакшы жыйынтыкка жетүүгө аракет кылгандары үчүн ыраазычылык билдирдим. Тилекке каршы, жыйынтыкка жете алган жокбуз. Биз үчүн бул канчалык кыйын болсо да тажрыйба жана бул тажрыйба биз үчүн баа жеткис.
Үйдөгү беттешке даярданып, ал жактан упай алганга аракет кылабыз. Ал оюндан кийин гана биз кийинки баскычка чыгуу мүмкүнчүлүгүбүзгө баа бере алабыз»,- деди ал.
