Париж Олимпиадасында коло медаль жеңген Үзүр Жузупбеков тууралуу машыктыруучу Чынарбек Изабековдун жубайы пост жазды.
«Башкы машыктыруучусу Азат Эркинбаев, улук машыктыруусу Улук Карачолоковду куттуктайм. Жолдошум экөөбүз Үзүрдүн карьерасын өзгөчө карап турабыз. Себеби, ал биздин инибиз жана мыкты жигит. Эмгекчил, интеллекти жогору, мыкты тарбия алган. Үзүр 29 жашта. Бир канча жогорку билими бар. Чет тилдерин үйрөнүп, көп китеп окуйт. Ал спортчулар билим албайт деген стереотипти бузат. Ооба, диванда жаткан эксперттер үчүн спорттук карьерасы анча ийгиликтүү эмес, бирок ал өз жолуна түшүп, жеңсе кубанып, жеңилип калса андан жыйынтык чыгарып, башын бийик көтөргөн жигит. Үзүр — Кыргызстандын сыймыгысың, өсүп келе жаткан муунга өжөрлүктүн, эрктин үлгүсүсүң! Сыймыктанабыз»,- деп жазды ал.