Кыргызстандын футбол боюнча курама командасы 2022-жылы өтө турган дүйнө биринчилигине тандап алуу оюндарынын алкагында Мьянманын футболчулары менен күч сынашты. Оюндун биринчи бөлүгү 5:0 эсебинде Кыргызстандын пайдасына аяктаган.
Экинчи бөлүктө курама дагы 3 гол киргизди. Гол жараткан футболчулар: Рустамов, Мусабеков, Алыкулов, Шүкүров, Мурзаев (3 гол), Бөкөлеев.
Буга чейин Бишкек шаарында өткөн биринчи оюнда кыргыз футболчулары мьянмалыктарды 7:0 эсебинде утушкан.