«Манчестер Юнайтед» португалиялык чабуулчу Криштиану Роналду менен келишимди бузганын жарыялады.
«Манчестер Юнайтед» ага кошкон салымы үчүн атап айтканда, 346 беттеште 145 гол киргизгени үчүн ыраазычылык билдирип, ага жана үй-бүлөсүнө жакшылыктарды каалады. «Клубдагылардын баары Эрик тен Хагдын жетекчилиги астында команданын ийгиликтери, ошондой эле футбол талаасында ийгиликке жетүү үчүн биргелешип иштөө жөнүндө гана ойлонушат», — деп айтылат клубдун расмий билдирүүсүндө.
Роналду 2003-жылдан 2009-жылга чейин ойногон «Ювентустан» 2021-жылы жайында «Манчестер Юнайтедге» өткөн.