Социалдык тармактарда «Мээрим Жуманазарованын жаракат алып, 4 айлык тыныгуудан кийинки маеги» деген аталыштагы видео тарап жатат.
- Балбан Мээрим Жуманазарова 2023-жылдын сентябрь айында Сербияда өтүп жаткан күрөш боюнча Дүйнө чемпиондугунда чейрек финалга чыга алган эмес. 1/8 финалдык беттеште украиналык менен болгон беттеште кыргызстандык жаракат алып, чейрек финалда күрөшүн улантууга мүмкүнчүлүк болгон эмес. Жуманазарова медалдар жана Олимпиада лицензиясы үчүн күрөштөн четтеп калган.
«Азыр Кудайга шүгүр, жаракат алгандан кийин 4 айдай эс алып, өзүмө жаңы келдим. Азыр жакшы күрөшүп алдым. Буюрса, алдыдагы турнирлерге даярдана баштайм», — деди ал.
