Кыргызстандын жеңил атлетика боюнча улуттук курама командасынын мүчөсү Нурсултан Кеңешбеков Тегеран шаарында өткөн Азия чемпиондугунун эки жолку чемпиону аталды. Бул тууралуу Спорт департаментинен билдиришти.
Нурсултан Кеңешбеков 1500 метр (3:49:10) жана 3000 метр (8:08:85) аралыкка чуркап 1-орунду ээлеген. Ошондой эле Айнуска Калил кызы 1500 метр (4:35:29) аралыкка чуркап күмүш медалга ээ болсо, 3000 метр аралыкты 9:27:18 секунду убакытта чуркап өтүп 3-орунду ээледи.
17-февраль күнү башталган Тегеран шаарындагы (Иран) Азия чемпионаты бүгүн, 20-февралда жыйынтыкталат. Курама команда башкы машыктыруучу Татьяна Борисованын жетекчилиги алдында мелдешке катышты.