Япониялык дзюдочу Ута Абэ Париж Олимпиадасында атаандашынан жеңилип калгандан кийин шолоктоп ыйлаган видео талкуу жаратып жатат.
52 килограммга чейинки салмакта Токио олимпиадасынын чемпиону Франциянын борборунда өтүп жаткан Олимпиаданын 1/8 финалында Өзбекстандын өкүлү Диёра Келдиёровага күтүүсүздөн жеңилип калган. Жеңилген соң, дүйнөнүн төрт жолку чемпиону ыйлап баштаган. Аны машыктыруучусу сооротконго аракет кылып, көрүүчүлөр кол чаап турушту. Абэ акыркы жолу 2019-жылы жеңилүү ызасын тарткан.