28-августтан 8-сентябрга чейин Парижде өтө турган жайкы Паралимпиада оюндарына Кыргызстандын атынан төрт спортчу барат. Бул тууралуу Спорт департаментинен билдиришти.
Пара дзюдо боюнча 73 килограмм салмакта Маматибраим Суранов катышат. Пара пауэрлифтинг боюнча Миргүл Болоталиева катышат. Пара триатлон боюнча Айтунук Жоомарт кызы (Ангелина Блиндул коштоочу), пара жеңил атлетика Гүлназ Жүзбаева (Фернас Юлия коштоочу) өлкө намысын коргошот.
Жайкы Паралимпиада оюндарына жалпы 22 спорттун түрү боюнча 549 медаль ойнотулат.
