Кыргызстандык спортчу Акжол Махмудов Токиодогу Олимпиада оюндарында экинчи жеңишке ээ болду. Ал бүгүн, 2-августта 1/8 финалдык баскычтан баштаган 77 килограммга чейинки салмак категориясындагы турнирде оюн көрсөттү.
Анын биринчи атаандашы тунистик Маафи Ладжед болгон. Махмудов 11:0 эсебинде утуп, чейрек финалга чыкты.
Кыргызстандык спортчунун чейрек финалдагы атаандашы азербайжандык Рафиг Гусейнов болду. Махмудов 9:1 эсебинде ири жеңишке жетип, жарым финалга чыкты.