Алматыда адам өмүрүн алган автобус кырсыгы боюнча соттук отурум уланууда.
- 22-декабрдын кечинде Казакстанда автобус аялдаманын жанында турган топ адамдарды жана 4 унааны сүзгөн. Кырсыктын кесепетинен үч адам каза болуп, төртөө жаракат алган. Чыр-чатактын жүрүшүндө автобустун жүргүнчүсү айдоочу аялды чаап жиберген. Айдоочу эсин жоготуп, автобусту башкара албай калган. Жаңжал акчанын туура эмес эсептелишинен улам чыкканы айтылган. Автобустун айдоочусун чаап жиберген адам кармалган. Ага бейбаштык жана эки же андан ашык адамдын өлүмүнө алып келген транспортту коопсуз эксплуатациялоо эрежелерин бузуу беренелери менен кылмыш иши козголгон.
Айыпталуучу өзү аны айдоочу провокация кылып, кырсыкка себеп болгонун билдирди. «Айдоочу мени баарынын көзүнчө кемсинтип, автобустан түшүрбөй жатты. Кылмыш-жаза кодексинин 351-беренесинин 1-бөлүгү боюнча күнөөмдү мойнума алам, калган күнөөм жок. Анткени Шокебаеванын (айдоочу аял) автобусту токтотууга мүмкүнчүлүгү болгон. 3 жашы жете элек балам бар экенин эске алуусун өтүнөм. Бардык жабырлануучулардан кечирим сурайм»,- деди ал.