Алматыда адам өмүрүн алган автобус кырсыгы боюнча соттук отурум уланууда. Кырсыктан ата-энесинен ажыраган Эрасыл Байдуалиев бул окуяга күнөөлүүлөрдү жазалоону соттон суранды. Ал окуяга автобустун айдоочусу да күнөөлүү деп эсептейт.
«Бир күндө мен атамдан да, апамдан да айрылдым. Муну душманыма да каалабайт элем, ошондой эле ушуга тиешеси барларды жазалоону суранам», — деди Байдуалиев.
Бул кырсыкта Айнур Кусаинова жолдошунан ажыраган. «Жолдошум каза болду, үч кызым менен калдым. Кыздарым эмне болгонун түшүнүшпөйт, жерди казып, атасын алып чыгууну суранып жатышат. Көзү чыгып кетиптип, анын жансыз денесин кыздарга көрсөтө алган жокпуз», — деди аял.
-
- 22-декабрдын кечинде Казакстанда автобус аялдаманын жанында турган топ адамдарды жана 4 унааны сүзгөн. Кырсыктын кесепетинен үч адам каза болуп, төртөө жаракат алган. Чыр-чатактын жүрүшүндө автобустун жүргүнчүсү айдоочу аялды чаап жиберген. Айдоочу эсин жоготуп, автобусту башкара албай калган. Жаңжал акчанын туура эмес эсептелишинен улам чыкканы айтылган. Автобустун айдоочусун чаап жиберген адам кармалган. Ага бейбаштык жана эки же андан ашык адамдын өлүмүнө алып келген транспортту коопсуз эксплуатациялоо эрежелерин бузуу беренелери менен кылмыш иши козголгон.