Италиялык живопись сүрөтчүсү Сандро Боттичелли тарткан картинасы 92 миллион долларга сатылды. Бул тууралуу чет элдик басылмалар жазышууда.
Сүрөтчүнүн “Медальон кармаган жигит” аттуу картинасы тарыхтагы эң кымбат портреттердин бири болуп калды. Картина “Sothebyʼs” аукционунда сатылды. Азырынча аны сатып алган кишинин аты ачыкка чыга элек.
Картина болжол менен 1480-жылы тартылган. Портреттеги жигиттин ким экени белгисиз. Ал Флоренциядагы атактуу Медичи үй-бүлөсүнүн мүчөсү болушу мүмкүн деген божомолдор бар.
XVIII кылымдан бери бул эмгек британиялык Ньюборо барондорунун колунда сакталып келген. 1982-жылы өткөрүлгөн аукциондо аны буга чейинки ээси Шелдон Солоу 1,3 миллион долларга сатып алган.
92 миллион долларлык баа Боттичеллинин эмгектерине коюлган рекорддук баа болуп болду. Буга чейинки рекорд 2013-жылы коюлуп, анда “Мадонна кичинекей наристе жана Иоанн Креститель менен” деген картинасы 10,4 миллион долларга сатылган.
Ошондой эле бул картина дүйнө тарыхындагы эң кымбат сатылган картиналардын катарына кирди. 2017-жылы Леонардо да Винчинин “Дүйнөнү куткаруучулар” аттуу картинасы 450 миллион долларга сатылган.
