Сауд Арабиясы эмдөөдөн өткөн же коронавирустан айыккан адамдарга гана ажылык сапарга уруксат берет. Бул тууралуу чет элдик басма сөз каражаттары жазып чыгышты.
Маалыматка ылайык, COVID-19 пандемиясына байланыштуу кабыл алынган мындай чечим Орозо айы кирери менен ишке ашырыла баштайт. Тагыраагы орозонун башталышы менен кичи ажылыкка зыяратка барчулар COVID-19га каршы эмдөөдөн өтүшү керек же вирус менен ооруп айыккан болушу керек.
Аталган өлкөнүн Саламаттыкты сактоо министрлиги коронавируска каршы кайсы вакцинаны колдонуу тууралуу маалымат берген жок. Ушул тапта Сауд Арабиясында вирустан каза болгон адамдардын саны 6 миң 697ге чейин жетсе, жалпы вирус менен ооруган 392 миң 682 учур катталган.
