АКШнын президенти Дональд Трамп TikTok социалдык тармагын сатып алуучу бар экенин жарыялаганын Reuters билдирди.
«Баса, бизде ТикТокту сатып алууну каалагандар бар. Менимче, Кытайдан уруксат алышым керек жана президент Си буга уруксат берет», — деди Трамп.
Президенттин айтымында, сатып алуучу «абдан бай адамдардын» тобу бар. Трамп потенциалдуу сатып алуучулардын аты-жөнүн ачыктаган жок, чоо-жайын болжол менен эки жумадан кийин берүүнү убада кылды. Ал ошондой эле келишимге Кытайдын төрагасы Си Цзиньпиндин макулдугу керек экенин белгиледи.
