Биз дарыгерге чейинки жардамга арналган «Эгерде … болсо эмне кылуу керек?» деген материалдар сериясын жарыялоону улантабыз. Долбоордун авторлору Жашоо Медиа ден соолук жөнүндө маалыматтык порталы. Бүгүн Бишкектин Тез жардам борборунун дарыгери Александра Васильева сөөк муундан чыгып кеткен учурда жана сыныкта эмне кылуу керектиги жөнүндө айтып берет.
Муундан чыгып кетүү
• Сөөк муундан чыгып кеткенде эч качан өз алдынча салууга аракет кылбаш керек. Жабыркаган дене бөлүктү кандай турса ошондой абалда таӊуу керек.
• Шишикти жана ооруну басаӊдатуу үчүн жабыркаган муунга муздак басуу керек.
• Жабыркаган адамга кесипкөй жардам көрсөтүү үчүн тез жардам чакыргыла же сынык-жаракат бөлүмүнө өз алдынча жеткиргиле.
Сынык
• Сынык болгондо жабыркаган жерге мүмкүн болушунча тезирээк шак-шак коюу маанилүү. Бул үчүн дөӊгөлөктү же башка каражаттарды (тактай, союл) колдонгула.
• Дөӊгөлөк сынган жердин жогору жана ылдый жагынан эки муунду камтышы керек. Мисалы жото жилик сынган болсо, анда бут кетменди жана тизени кошо таӊуу зарыл.
• Кан айланууну бузбаш үчүн бутту таӊууну эӊ ылдый жагынан баштап, андан кийин жогору жагына өтүү керек. Таӊуунун ар бир орому мурунку оромду жарымынан басып оролууга тийиш.
Кошумча кеӊештер:
• Кол чыгып кеткенде муунга күч келтирүүнү азайтуу үчүн колго кошумча колдой турган таӊуу койсо болот.
• Кабыргалар, төш сөөк же кый сүбөө сынган болсо, жаракатты күчөтпөө үчүн жабыркаган адам мүмкүн болушунча жеӊил дем алышы керек.
Жашоо Медиа деген эмне? Бул ден соолукка, жеке натыйжалуулукка жана өзүнө кам көрүү маселелерине арналган маалыматтык портал. Анын миссиясы – жашоонун сапатын жакшыртуу, зыяндуу адаттар менен күрөшүү боюнча текшерилген сунуштамаларды ж.б. окурмандарга берүү. Сиздер Жашоо Медиа порталынан эксперттер жазган макалаларды, өзүн өзү өнүктүрүү, физикалык жана эмоционалдык бакубатчылыкты колдоо боюнча практикалык кеӊештерди таба аласыздар.11:23
