“Бирөөгө жардам берем деп баңгизат менен кармалып, 10 жылга абакка кесилип кеттим” дейт 27 жаштагы кыз

“Нооруз” күнү Чүйдүн Степное айылындагы аялдар абагына барып, ал жерде жаза өтөп жаткандардын майрамдык маанайына күбө болуп келген. Анда түрдүү тагдырды башынан өткөрүп, эркиндикке чыгар күнүн күтүп жаткан айрым аялдар менен баарлашууга мүмкүнчүлүк алдык. Алардын бири — 27 жаштагы Диля Бекова. Каарманыбыз Орусиянын аймагында баңгизат менен кармалып, бөтөн жерде 3 жыл жаза өтөп, кийин мекенине которулганын айтат.