“Карыганда айылда от жагып, көмүр түшүрүү кыйын, ошон үчүн карылар үйүнө келгем” дейт улгайган апа

Ашырбүбү Абдырахманова 3 жылдан бери карылар үйүндө жашайт. Убагында өзү туулуп өскөн Жалал-Абад жергесинде катардагы цехтин кызматкеринен тартып жетекчилик кызматтарга чейин иштегенин айтат. Көпчүлүк катары үй-бүлө күтүп, балалуу да болгон. Бирок абышкасынын көзү өткөндөн кийин бир үйдө өзү жалгыз калууну туура көрбөгөн каарманыбыз карылар үйүндө жашоону чечкен.