Кылмыштын бетин ачууга чоң көмөк көрсөткөн иттер. Кинолог болуш оңойбу?

Ушул жылдын 17-мартында Бишкектин четиндеги Мурас-Ордо конушунда бир үй-бүлөдө трагедиялуу окуя катталды. Анда 13 жаштагы өспүрүмдүн жансыз денеси өз үйүнөн табылган. Бул иш боюнча 16 жаштагы бир тууган агасы шектелген эле. Кылмышка шектүүнү табыш үчүн кинология борборунан атайын кызматтык ит тартылган. Издөө учурунда шектүүнү окуя болгон жерден 5 чакырым алыстыкта жашынып отурган жеринен кармашкан. Бул окуядан соң дал ушул иттерди үйрөтүп, аларды машыктырган кинологдор жөнүндө сөз кылууну туура көрдүк.