Мамлекеттин аталышын өзгөртүүнү колдойсузбу же каршысызбы? Элдин пикири

23-ноябрда Конституциялык кеңешменин жыйынында анын катышуучулары Кыргыз мамлекетинин аталышы тууралуу талкуулашкан. Анда экс-министр Марат Кайыпов мамлекеттин аталышы Республика Кыргыз болсун десе, «Кыргыз Жолу» коомунун төрагасы Кадыр Кошалиев Кыргыз Эл Республикасы деп атоону сунуштаган. «Бакдөөлөт» фондунун жетекчиси Мелис Мураталиев болсо Кыргызия деген сунуш көтөрүп чыккан. Бул талкуу эл ичинде да кызуу жүрүп жатат, андыктан алардын пикирин угуп көрдүк.