Митингде ок тийип, көзүнөн ажырап калган жигиттер элден жардам сурайт

5-октябрда Бишкектеги Ала-Тоо аянтында орун алган башаламандыкта жүздөгөн адам жаракат алып, бир адам каза болду. Анда 28 жаштагы Уларбек Нурлан уулунун сол, 34 жаштагы Талант Бейшеевдин оң көзүнө желим ок тийип, экөө бирден көзүнөн ажырап калышты. SUPER TV учурда Бишкектеги №4 шаардык оорукананын көздүн микрохирургиясы бөлүмүндө дарыланып жаткан алардан кабар алып кайтты.