#Собол_TIME:​ Карапайым элдин капчыгын каккан базар баасын билесизби?

Өлкөдө акыркы убакта азык-түлүктүн бардык түрү кымбаттаганы байкалды. Айрыкча өсүмдүк майына жана кумшекерге болгон нарк дээрлик эки эсеге кымбаттаганын Улуттук статистика комитети билдирди. Мисалга алсак, бүгүнкү күнгө карата кумшекердин орточо баасы 60сомду түзөт. Бирок бүгүнкү бул баа өткөн жылдын ушул күнүнө салыштырмалуу 20 сомго, башкача айтканда, 48 пайызга кымбат. Ал эми бир литр өсүмдүк майынын орточо баасы 150 сомго чыкты. Буга байланыштуу Сереп медиа маалымат агенттиги кымбатчылык карапайым элдин капчыгына кандай кедерги тийгизип жатат деген собол салып, элге кайрылып көрдүк. Ал эми базардагы баа боюнча эл өкүлдөрүнүн кабары барбы же жокпу деген ой менен Жогорку Кеңештин депутаттарына да суроо салдык.