«Станислав бизди жалгыз баккан карааныбыз болчу» дейт көлдө түтүк соруп каза болгон баланын таенеси

27-июлда “Золотые пески” пансионатынын аймагында 18 жаштагы Станислав Ситников деген бала каза болгон. Аны аквапарктын түтүгү соруп кеткен. Бул каргашалуу окуя бир үй-бүлөнүн чырактай коргоочусунун өмүрүн алып кетти. Стастын атасы ал кичине кезиинде каза болгон, ал эми апасы 3-топтогу майып. Ал кичинесинен таенесинин колунда чоңоюп, таенесин, апасын жана мүмкүнчүлүгү жектелген бир тууганын багып келген. Бүгүн, 30-июлда Станислав Ситниковдү жерге беришти. Жүрөгү тилинип, кан жутуп турган жакындары маркум Стасты эскеришти.