Сүрөттөрү эки башка, маалыматтары окшош паспорттор… Калкты тейлөө борбору эмне дейт?

Бишкек шаарынын тургуну Кыял Үсөнканова паспортунун Калкты тейлөө борборунун кызматкерлери тарабынан жасалмаланганын билдирди. Ал башка аялга берилген документте сүрөт жана кол тамгадан башка арыз ээсинин бардык маалыматтары камтылганын жана август айынан бери бул боюнча тиешелүү чара көрүлүшүн талап кылып келерин айтат. Биздин чыгармачыл топ Үсөнканова жана анын жактоочусу менен Калкты тейлөө борборуна барып, бул окуя боюнча тиешелүү өкүлдөрдөн комментарий алууга аракет кылып көрдүк.