28 жаштагы Нурсултандын сырдуу өлүмү

28 жаштагы Нурсултан Алмашов жашоодо терс жоруктары жок, бир үйдүн ишенген, таянган уулу болчу. Ал ушул жылдын 3-январь күнү үйүнөн чыгып кеткен боюнча кайтып келген эмес. Бир нече сааттан кийин, Сокулук района караштуу Кызыл-Туу айылынын көчөлөрүнүн биринен анын жансыз денеси табылган. Жанындагы буюмдарын чогултуу учурунда Нурсултанга тийиштүү уюлдук телефону жана акчасы жок болуп чыккан. Соттук-медициналык экспертиза алгач “өзүнүн кусундусуна какап каза болду”— деп тыянак чыгарган. Бирок ал өлүм боюнча суроолор көп эле. Туугандарынын арыздарынан улам кайра комплекстүү экспертиза дайындалып, ал башына тийген соккудан улам каза тапканы аныкталды. СуперТВ телеканалы жана Репортаж СУПЕРТВ Ютуб каналынан окуянын чоо жайын көрө аласыздар.