Бул жолу студиябызга “Министрдин кызынын махабаты” тасмасында десанттын образын ойногон Алтын Бердигуловду уулу Вахтанг менен чакырдык. Актёр уулун жалгыз өстүргөнүн, бала чоңойтууда дуушар болгон кыйынчылыктар тууралуу айтып берди.
«Мен ажырашам деп ойлогон эмесмин. Уулум Ошто төрөлүп калды. Мен эне да, ата да болдум. Мойнума көтөрүп бала бакчага жеткирчүмүн. Башында аябай кыйналдым. Үй жок, же эч жерге батпайсың. Кыскасы, уулумду колума алып, көп кабаттуу үйлөрдүн кире беришинде таң атырчумун. Таң атканда бала бакчага алып барам, анан кечкиге чейин эптеп тамак таап коем. Кечинде эле каякка түнөйбүз деген ой башталчу. Чоңойттум, анан мектеп башталды. Кийген-кийими бүт акча да. Мен ошондо чоңойтом деп өзүмө өзүм сөз бергем»,- деди ал.
Турмуш сыноосун которбоско айла жок да