Эртең, 1-июнга карата Бишкекте өтүүчү бир катар маданий иш-чаралардын тизмеси менен Маданият министрлиги бөлүштү.
Мамлекеттик улуттук орус драма театрынын сахнасында “Салтан падышанын жомогу” аттуу балдар спектакли өтөт. Кирүү акысыз. Башталышы 11:00.
Республикалык балдар жана өспүрүмдөр китепканасынын алдында майрамдык иш-чаралар өтөт. Башталышы: 11:00-15:00 чейин. Ошол эле китепканада Эринес Оторбаевдин “Мен Илбирс” китебинин бет ачары Германиянын табиятты коргоо союзу (NABU) коомдук уюму менен биргеликте өткөрөт. Башталышы 11:30.
Кыргыз Улуттук академиялык опера жана балет театры “Театрдагы түнгө” чакырат. Театрга келип классикалык музыканын, хореографиянын жагымдуу ыргактарына күбө болуп кетиңиздер. Башталышы 22:00. Билет баасы 300 сом.
