Жогорку Кеңештин депутаттарын шайлоонун жыйынтыгы менен макул болбогон партиялардын өкүлдөрү кайрылуу жасашты.
Маалымат жыйынга “Ата Мекен” партиясынын өкүлдөрү Өмүрбек Текебаев, Тилек Токтогазиев, Клара Сооронкулова, Али Токтакунов, “Улуттар биримдиги” партиясынын лидери Мелис Мырзакматов, Артур Медетбеков, Социал-демократтар партиясынын мүчөсү Рыскелди Момбеков, “Азаттык” партиясынын өкүлдөрү Исмаил Исаков, Бактыбек Калмаматовдор катышышты.
Алар Жогорку Кеңештин депутаттарын шайлоонун жыйынтыгын фальсификация жана махинациялардан улам тааныбай турганын билдиришкен. Алар кайра шайлоону таза өткөрүүнү талап кылышты. «Таза шайлоонун жыйынтыгы менен макул болбогон партияларды бизге кошулууга чакырабыз. Шайлоонун жыйынтыгын жокко чыгарууну талап кылабыз. Жарандардын тандоо укугун уурдагандар да жазасын алышы керек», — деди Рыскелди Момбеков.
