Опузалап акча талап кылган деп айыпталып жаткан жарандык активист Мелис Аспеков Улуттук кардиология борборунун жандандыруу бөлүмүнө жаткырылды. Бул тууралуу анын адвокаты Сергей Манукян билдирди.
Жактоочунун айтымында, 17-ноябрда Мелис Аспеков «Бикард» менчик клиникасынан Бишкектеги СИЗО-1ге которулган. Эртеси айыпталуучу өзүн жаман сезе баштаган. «СИЗО-1дин кызматкерлери Тез жардам кызматын чакырышып, Мелис Аспеков Улуттук кардиология борборуна жеткирилген. Ооруканада аны дароо жандандыруу бөлүмүнө жаткырышты. Мен судьяга соттук-медициналык экспертиза жүргүзүү өтүнүчүн кезексиз кароо өтүнүчү менен кайрылдым. Бирок ал баш тартты. Мелис Аспековго оор операция жасалды, ал камактан бошотулушу керек», — деди Сергей Манукян.
