Мектепте балдарды окутуунун атайын алгоритмдери бар. Бул тууралуу борбор калаадагы мектеп жана бала бакчаларды ачуу маселесин талкуулаган жыйында Бишкек мэриясынын билим берүү башкармалыгынын башчысы Элмира Иманалиева билдирди.
Бул иш–чарада ата-энелер бала бакчаларда нөөмөттүк топторду ачууну талап кылды.
Ата-энелер балдарын кайда калтырууну билбей өзү менен кошо жумушка ээрчитип барууга мажбур болуп, кыйналып жатканын билдиришти.
«Жеке бала бакчалар иштейт, бирок ал баардык ата-энелердин капчыгына туура келбейт»,- дешти алар.
Балдарын нөөмөттүк топко жиберүүнү каалаган ата-энелер баланын ден-соолугу үчүн жоопкерчиликти өз мойнубузга алабыз деп убада беришти.
Иманалиева жыйынга келген ата–энелерге: “Жеке менчик мектептерде жана бала бакчаларда класстар жана топтор кыйла аз. Бардык талаптарды аткаруу аларга жеңилирээк. Бала бакчалардын ишин 1-февралдан баштап даярдык топторду түзүп жандандыралы дедик, бирок биздин сунуш жактырылган жок», — деп жооп берди
