Ош шаарынын мэри Алмаз Мамбетовдун тапшырмасы менен Ош шаардык балдар ооруканасынан Ош облустук балдар ооруканасынын бейтаптары үчүн 60 орун бөлүндү. Бул тууралуу Ош мэриясынан билдиришти.
«Иш-чара сезондук курч респиратордук вирустук инфекциялар менен ооругандардын көбөйүшүнө байланыштуу облустун райондорунан Ош облустук балдар ооруканасына кайрылган бейтаптардын саны көбөйгөндүгүнө байланыштуу жүргүзүлүүдө», — деп айтылат маалыматта.
Кечээ, 6-ноябрда соцтармак колдонуучусу сүрөт менен бөлүшүп, Ош облустук ооруканасында орундардын жетишсиздигинен улам балдар менен энелер жерде жатканын айтып чыккан эле.
