Президенттин Баткен облусундагы өкүлү Абдикарим Алимбаев Тажикстандын Согди облусунун аткаруу бийлигинин төрагасы Раджоббой Ахмадзода менен жолугушту. Ага эки облустун чектеш райондорунун акимдери, облустун күч түзүмдөрүнүн жетекчилери да катышты. Жолугушуу бүгүн, 13-сентябрда кыргыз-тажик чек арасында өттү.
Жетекчилер алгач, буга чейин чек ара аймактарында орун алган куралдуу жаңжалда курман болгон жарандардын арбагына багыштап куран окуп, чек ара аймактарында тынчтык, элибизде аманчылык болсун деп бата кылышты.
Облус башчылары Баткен жана Согди облусунун чектеш аймактарында коомдук коопсуздукту сактоо, тынчтыкты камсыз кылуу максатында УКМКнын төрагасы Камчыбек Ташиев менен Тажикстандын УКМКсынын Саймумин Ятимовдун жетекчилиги астында кабыл алынган чечимдерди аткаруу улантылаарын белгилешти. Ага ылайык, облус жетекчилери эл арасында пайда болгон ар кандай түшүнбөстүктөрдүн алдын алуу, чыр чатактарга жол бербөө боюнча, чектеш жайгашкан район акимдерине жана облустун күч түзүмдөрүнүн жетекчилерине биргелешип иштөө менен коомдук коопсуздукту камсыздоону тапшырышты.
Абдикарим Алимбаев менен Раджоббой Ахмадзода чек ара аймактарында тынчтыкты сактоо, улам жаралган маселелерди ыкчам чечүү максатында байма-бай жолугушуп турат. Учурда кыргыз-тажик чек арасында кырдаал туруктуу, күч түзүмдөрү күнүмдүк тартипте иштеп жатат.
Буга чейин Маданият министрлиги жарыялагандай, бүгүн, 31-августта "Ала-Тоо" аянтында дрондордун шоу программасы көрсөтүлдү. Техникалар асманга айкөл Манастын, Кыргызстандын туусунун, комуздун,...
ИИМдин тийиштүү кызматтары тарабынан 31-август Кыргыз Республикасынын эгемендүүлүгүнүн 33-жылдыгын белгилөө боюнча салтанаттуу иш-чара учурунда коомдук коопсуздукту жана жол коопсуздугун камсыздоо...
Өлкө башчысы Кара-Кыргыз автономиялуу облусунун түзүлгөндүгүнүн 100 жылдыгына жана Кыргыз Республикасынын Эгемендүүлүк күнүнө карата өлкө жана эл алдында сиңирген эмгеги...
Бүгүн, 31-августта Кыргыз Республикасынын көз карандысыздыгынын 33 жылдыгына жана Кара-Кыргыз автономиялуу облусунун түзүлгөндүгүнүн 100 жылдыгына карата борбордук аянтта 33 баланын...