Бишкек мэриясы кечээ, 22-апрелде кечинде Мустафа Кемал Ататүрк сейил багында «Бермет» кафесинин жанында асфальт төшөө иштери жүргүзүлгөнүн белгилейт.
Жашылдандыруу эрежелеринин бузулушу аныкталып, андан кийин Муниципалдык инспекция тез арада жеринде текшерүү уюштурган. Ишти «Лидер Хаус» подряддык компаниясы жүргүзгөн. Подряддык уюмдун айтымында, атайын техника түнкүсүн аймакка кире албай калгандыктан, бузууларды оңдоо иштери эртең мененкиге жылдырылган. Азыр бузуу толугу менен жоюлду: бак-дарактардын чуңкурлары белгиленген талаптарга ылайык тийиштүү абалга келтирилди. Мындан тышкары, подряддык уюм менен түшүндүрүү иштери жүргүзүлүп, Бишкек шаарынын жашылдандыруу эрежелерин так сактоо зарылдыгы белгиленди. Ошондой эле иштерди аткарууда подряддык уюмга дарактардын түптөрүн талапка ылайык коргоону камсыз кылуу тапшырылды.
