Бишкек шаарынын мэри Айбек Жунушалиев шаардык кызматтар менен биргеликте автобекеттердин аймагындагы иштердин жүрүшүн текшерди. Бул тууралуу мэриядан билдиришти.
Алгач кадимки режимде иштеп, эл аралык, шаарлар аралык, облустук жана шаар четиндеги каттамдарды тейлеген Бишкек автобекетинин аймагын карап чыкты.
Алсак, Нарын жана Ысык-Көл облустарына каттамдар Алма-Ата көчөсү, 1/1 дарегиндеги «Бишкек автобекетинин» жаңы автобекетинен чыгат. Күтүү залында туристтер жана айдоочулар үчүн заманбап эс алуу жайлары (Кыргызстанда биринчи жолу), коомдук даараткана, жууну жайы, автобекеттин аймагында тез тамактануучу пункттар орнотулган. Мындан тышкары, жүргүнчүлөрдү электромобилдер менен ташуу уюштурулган, алардын тарифтери такси кызматын көрсөткөн башка ишканаларга караганда бир топ төмөн. Свердлов районунун акимине аталган автобекеттин ишин өзгөчө жана күнүмдүк көзөмөлгө алуу тапшырылды. №13 жана №34 автобустар, ошондой эле №123 жана №128 кичи автобустар «Бишкек автобекети» муниципалдык ишканасынын жаңы автобекетине чейин каттайт. Андан ары Ош-Баткен-Жалал-Абад-Талас багыттары каттаган келечектеги Ак-Кула ипподромунун жанында жайгашкан убактылуу иштеп жаткан батыш автобекетинде болду. Бул жерде ошондой эле Фучик көчөсүнүн батыш тарабындагы көп функционалдуу базар комплексинин жанында жайгашкан жаңы автобекеттин курулушу аяктаганга чейин убактылуу автобекеттин толук кандуу иштешине шарт түзүлөт. Жарыктандыруу жүргүзүлдү, эски батыш автобекетинин соода түйүндөрү көчүрүлдү, диспетчердик жана касса үчүн жай орнотулду.
Борбор калаа башчысы “Бишкек суу канал” ишканасынын башчысына суу түтүктөрүн тез арада орнотууну тапшырды. Ошондой эле Эски батыш автобекетинин аймагынан убактылуу жайгаштыруу үчүн бастырмалар жана башка жеңил конструкциялар дагы көчүрүлөт. Жаңы Ак-Кула ипподромуна №13 жана №40 автобус каттамдары, ошондой эле №258 кичи автобус каттайт.
