Бишкекке алгачкы электр бустар эмки жылдын күзүндө келет. Бул тууралуу маалымат жыйында борбор калаанын мэриясынын Бишкек троллейбус башкармалыгынын долбоорлорду ишке ашыруу бөлүмүнүн башчысы Улан Назимудинов билдирди.
Анын айтымында, 15-ноябрда Азия өнүктүрүү банкынын сайтында жана мамлекеттик сатып алуулар порталында 120 электробус жана заряддоочу инфраструктураны сатып алуу боюнча тендерге чакыруулар жарыяланган. «Арыздарды ачуу 2022-жылдын 14-январында болот. Алты айдын ичинде жеңүүчү аныкталып, келишим түзүлөт. Биз келерки жылдын экинчи же үчүнчү кварталында электр автобустарынын биринчи партиясын күтөбүз», — деди ал.
