18-декабрдан тартып Чүй проспектисинин Ибраимов көчөсүнөн Жаш Гвардия бульварына чейинки бөлүгүндө маршруттук каттамдардын кыймылы толугу менен альтернативалык көчөлөргө — Киев, Токтогул, Фрунзеге багытталат. Бул тууралуу мэриядан билдиришти.
Бишкек мэриясынын Транспорт жана жол-транспорттук инфратүзүмдү өнүктүрүү департаментинин маалыматы боюнча, жогоруда көрсөтүлгөн участоктогу кичи автобустардын кыймылын өзгөртүү боюнча бул чаралар маршруттук схемаларды оптималдаштырууга байланыштуу кабыл алынууда.
Өзгөртүүлөр бир катар каттамдарга таасирин тийгизет, анын ичинде: №172, №169, №225, №163, №220, №203, №215, №136, №137, №104, №164, №222, №135, №192, №166, №258, №243, №138, №176, №199, №179, №260, №211, №185, №250, №254, №285, №111, №216, №134, №202, №208, №227, №143, №129 жана №240.
Коомдук транспорт боюнча кайрылуулар үчүн байланыш: 0(502) 205-202.
