«Альянс» партиясынан Жогорку Кеңештин депутаттыгына талапкер Жанар Акаев мандатсыз калышы мүмкүн. БШК бүгүн, 15-декабрдагы жыйынында “Президентти жана Жогорку Кеңештин депутаттарын шайлоодо добуш берүүнү уюштуруу жана тартиби, добуш берүүнүн жыйынтыктарын белгилөө жана шайлоо комиссиялары тарабынан шайлоонун натыйжаларын аныктоо жөнүндө жобо жөнүндө” токтомуна өзгөртүүлөрдү киргизди.
Жыйында белгиленгендей, БШКнын ченемдик укуктук актыларын президентти жана Жогорку Кеңештин депутаттарын шайлоо, ошондой эле Шайлоо жана референдум өткөрүү боюнча борбордук комиссиясынын конституциялык мыйзамдарынын талаптарына ылайык келтирүү чечими кабыл алынды. Ар кандай жыныстагы талапкерлердин ортосунда мандаттарды бөлүштүрүү жөнүндө пунктка өзгөртүү киргизилди. Азыркы версияда бир партия төрттөн жетиге чейин мандат алса, анда экөө аялдар үчүн сакталат деп жазылган. Жаңы редакцияда бул сумма төрттөн алтыга чейин мандат алгандан кийин сакталат болуп калды. Эгерде саясий уюм жети мандат алса, тактап айтканда, «Альянс» дал ошончо добуш алган, анда үч мандат аялдар үчүн сакталат.
Мындай учурда Жанар Акаев парламентке депутат боло албайт, анткени ал алган добуштардын саны боюнча партиянын тизмесинде жетинчи орунда турат. Ага 4 миң 977 адам добуш берген. Мандатты Токтобубу Оргалча алса болот. Ал эми дагы эки мандатты Гүлкан Молдобекова менен Нилуфар Алимжанова алат.
Буга байланыштуу аталган партиядан депутаттыкка талапкер Алтынбек Сулайманов соцтармактагы баракчасына «Жанарга мандатты эл берген, БШК эмес… Тартып алганга негиз жок!» деп жазды.