Бүгүн, 27-апрелде “Ала-Тоо” аянты оңдоп-түзөөгө жабылат. Бул тууралуу мэриядан билдиришти.
Аянттын борбордук бөлүгүндөгү, батыш жана чыгыш тарабындагы фонтанга келген суу түтүктөрүн жаңылоо, фонтандын сырткы конструкциясын өзгөртүү мерчемделүүдө. Архитектура жана шаар куруу эстелиги болуп саналган “Ала-Тоо” аянтынын азыркы композициясы «Бишкекбашкыархитектура» муниципалдык ишканасы даярдаган жаңы концепциянын өзөгүн түздү. Аталган ишкана 100 метрлик желексаптын долбоорун да иштеп чыкты. Учурдагы желексаптын бийиктиги 45 метрди түзөт.
Белгилей кетсек, курулуш жумуштары маалында унаалар үчүн жол жабылбайт. Эс алуу жайлары гана жабылат.
