Барчынай Өмүрбек кызы Өзгөндүн Кызыл-Октябрь айылында жашайт. Барчынайды көпчүлүк ТикТок платформасында англис тилин үйрөтүүчү катары тааныйт. «Англис тилин Америкада эмес, айылда деле үйрөнсө болот» деген анын үйүнө барып, маектешип келдик.
«Келиним менен сыймыктанам. Англис тилин окуп, жакшы өздөштүргөн экен. Айылда болсо дагы балдарды окутуп жатат. Баарына менин келинимдей адам туш болсо экен. «Америкага кетип калбасын» дешет. Мен «өзүнүн кесибин сүйсө, кете берси» деп коем»,— дейт кайненеси.
