Хабиб Нурмагомедов кримтөбөл Камчы Көлбаевдин туулган күнүнүн урматына Кыргызстанга келди деген имиштерди четке какты. Бул тууралуу мушкер өзү Бишкекте өткөн маалымат жыйынында билдирди.
Анын айтымында, бир күн мурун Чолпон-Атадагы ипподромдо өткөн Eagle FC турнири 27-июлда өтүшү керек болчу. «Бул жерде эч кандай байланыш жок. Лос-Анжелестен пландалгандан кеч учуп келгениме байланыштуу Ысык-Көлдөгү турнирди 3-августка жылдырууга туура келди”,- деди ал.
Белгилей кетсек, Камчы Көлбаев 1974-жылы 3-августта төрөлгөн.
