16-сентябрда Баткендин Самаркандек айылында аскердик милдетин аткарып жатып Мухтарбек Сулайманов жаракат алып, ооруканага жеткирилген. Бирок ал бейтапканада эсине келбей көз жумган. Бул тууралуу ырчы Замир Мырза соцтармактагы баракчасына жазды.
1997-жылы туулган Мухтарбек Сулайманов №36806 аскер бөлүгүнүн байланыш взводунун командири болгон. Санкт-Петербург шаарындагы аскердик академияны мыкты деген баа менен аяктап, ушул жылдын июнь айында үйлөнгөн.
